Transcription
1
Monsieur, notre seur d’Avignon nous a envoié votre despeche
2
du premier de ce mois, ensemble celle de monsieur de Venes.
3
J’ay incontinent envoié le tout à monsieur de St Sernin,
4comme j’ay tousiours faict, hormis de [barré : [de ] s afferes] ce quil nest
5
expedient. Je suivray votre advis, vouiant la malice du
6
temps que je prie Dieu vouloir adoulcir. Ceulx d’Avignon
7
doibvent cent £t [livres tournois] dez le vii du passé qu’ilz ont respondeu
8
à notre seur ne pouvoir paier de trois mois. Jespère
9
que à present vous pourrés avoir meilleure raison de
10
ceulx d’Ourenge. Quant par Meins ou monsieur d’Aiguebelle
11
vous arés sceu le reveneu sera vous escleicira le
12taux aiant esgard [barré : au ] neanmoing aux charges qui
13
surviennent novellement comme à present on faict
14
dune recherche sus le temporel de laquelle monsieur
15
le president Truchon en est commissère en ce païs.
16
Je vous supplie, monsieur, luy recommender ceste evesché
17
car est fort chargée aux decimes, je dicts de ma
18
quotte particulière. Vous estes de ceulx qui s’oublient
19il est raisonnable de [barré : tirer ] vous remborser les
20
fraiz de la despeche. Mes nepveus et niepce vous
21
escrivent. S’y plaist à Dieu, ce bon temps oustera
22
du tout les resentimentz à ma niepce, madamoiselle
23
d’Ourches. Vous avés des lettres de messieurs noz
24
frères. Je me recommande très humblement à voz bonnes
25
graces et de monsieur et madamoiselle d’Ourches, priant Dieu,
26
monsieur, quil vous douint bonne et très longue
27
vie. D’Apt ce XIe mars 1574
28Vostre très humble et très obeissant [barré : filz ] frère
29
Francois de Simiene
30
Ce porteur est de ceste ville, qui va à Grenoble. A son retour, il
31
nous portera de voz novelles,
32
sy vous plaist.